vibha singh: "NANHA ASTIK" Suraj se tumhe chamak mile, chanda se shitalta !! Agni se tumhe tez mile, fulon se muskan !! Maa Saraswati se tumhe vidya mile, Ganpati se budhi apaar !! Ram se tumhe lambi aayu mile, Bajrangbali sa ho balwan !! Dada dadi se lad mile, Mata pita se pyar !! Bua se tumhe aashirwad mile, Bade papa se dhero uphar !! Jab jab aye Aastik tumhara ye, shubh Warshgath...Warshgath...Warshgath !! |
||
|
vibha singh: ............''BACHAPAN KI YADEEN''........... Ye us samay ki bat h jab mai tesri class me padhati thi. mere school ke bagal me he ek chota sa talab tha,hm jb v school se nikalte, sidhe talab ki taraf bhagte or waha ghanto pani me pair chapchapate, pani udate or jab man bhar jata to ghar chale aate. school se ghar jane me aadhe ghante lag jaate the. Ghar jate jate sham ho jati thi or fir ghar jaane k bad bahut dat sunani padati thi par hame to mano iski aadat si thi islia dat ka kuch khas asar nahi hota tha. Hamara pariwar bahut bada tha, mere pitaji teen bhai the or apne bhaiyo me sabse bade the. ham char behne thi. Mere ghar me sirf ladkiya he thi, mere majhile chacha ki do ladkiya thi or chote chacha ki ek, hm sabhi milkar sat behne thi.Meri dadi kehate thi ki ham sat deviya hai . Maine filmo or serialo me dekha tha ki sas apne bahuwon ko pote ke lia kosate rakhati thi, ulta meri maa hi unko kosati rahati thi k aapki iksha puri hui, hamare ghar me sirf betiyan hi betiyan h or ye sunkar meri dadi khilkhila kar has padti thi. Mai ye sab dekhati to muje lagta k ma se zada dadi hame pyar karati h, shayad yahi kaaran tha k ham dadi ke zada kareeb the. Garmi ka mausam me ham sabhi behne dadi k sath chat par he soti thi or dadi hame kahaniyan sunati thi. Hm khelte-khelte bahut thak jate to dadi kahani sunate-sunate hamare pair v daba dia karti thi. Us rat bhi hm dadi se kahani sunate-sunate so gaye, rat ko tufan aaya, bahut tez barish hone lagi, hm sabhi behne apne apne bister lekar niche bhage. Ghar me aane k bad mai sochane lagi k agar kal das baje tak ye barish hote rahi to hm school nahi jaenge or pure din khub khelenge, aisa sochate-sochate mai so gai par jab subah uthi to sapna tut chuka tha, barish k bad bahut tez dhup nikli thi. Hm naha dho kar tayar hokar school k lia nikal gaye or roz ki tarah school ki chutti hote hi talab ki taraf dorrey. Maine dekha k ek aurat alkatre(kala padarth jo garam hone par gal jata h or jisse road banata h) ke dabbe se kuch nikal rahi thi,us samay hamare gaon me road ban raha tha or alkatre ka dabba tufan me ud kar talab me gir gaya tha or pani me girne ki wajah se jam gaya tha.Aurat us dabbe se alkatra nikal rahi thi, Mai daur kar uske pas gai or pucha ke kis lia ye nikal rhi ho to usne bataya k use soup (jisse chawal saf kia jata h) rangana h to maine pucha k hm bhi nikal le to usne kaha kyu nhi.Mai bhi alkatra nikalne lagi or muje dekh sabhi bacche bhi nikalne lage.Mai bahut khush thi maine socha k aj mai bahut jaldi ghar jaungi or maa ko alkatra bhi dungi, or maa use dekh kar bahut khush hogi kyuki mere ghar to teen-char soup h. Mai khushi se phule nhi sama rahi thi. Mere sath meri chacheri behen bhi thi. Wo mere se ek mahina choti thi par mujse thori moti or taquatwar thi. Mai dubli patli sukhi si thi. Maine alkatre k do gole banae, ek ko thaile me dala jisme meri kitab kopiyan thi or dusara apne hatho me le li. Mai apne ap ko bada samajdar samaj rahi thi, maine socha k mai ek gola apne thaile me chupa leti hu or ek hi gola apni behen ko dikhaungi, bolungi k mai bas itna hi le jaungi or mujhe dekh kar meri behen v ek he gola le kar jaegi par jab ghar jakar mai do gole alkatre apni maa ko dungi or wo ek hi gola degi to sab meri tareef karenge. Sab bolenge k ye itni kamzor hote hue v do gole lai h or tu itni moti hote hue v ek hi gola lai h. Sab use kamchor or mujhe mehnati kahenge. Yahi sochate-sochate ham dono behne ghar k lia chal pade. Ye soch k meri to hasi hi nahi ruk rahi thi k aj sab meri kitni tareef karenge.Meri behen ne mujse bar-bar hasne ka karan pucha to maine ye kah k tal dia k maine tujse chota gola lia h isilia sab mujhe kamchor kahenge, ye sunkar meri behen v hasne lagi. Mai bahut kamzor thi,apna thaila le jane me he thak jati thi. Ghar se school bahut dur tha or paidal he aana-jana padta tha. Maine alkatre k gole ko sir par rakh lia, bahut tez dhup v thi to maine socha k isse dhup v nahi lagegi or kisi tarah ghar v pahuch jaungi. Mai bahut dhere-dhere chal rahi thi. Itna bojh lekar mujse chala nahi ja raha tha lekin maine socha k mehnat ka fal aj meetha milane wala h. Tez dhup jab alkatre par pada to alkatra pighalne laga par mai itni khus thi k mujhe kuch pata hi nahi chala. Pura alkatra pighalke mere balo,meri gardan or mere kapdo me chipak raha tha. Chehre par v thora tapak raha tha par garmi hone k karan maine socha k pasina hoga or uspe dhayan nahi dia. Meri maa darwaje par hi khadi thi,shayad mera intezar kar rahi thi.Maine apni maa ki taraf dekha or unhone meri taraf. Mujhe dekh kar unki aaakhen badi ho gai or unka muh khula ka khula hi rah gaya,sahyad unhe viswas nahi ho raha tha k mai itni jaldi ghar aa sakti hu. Maine v ek badi si hasi k sath apni maa ko dekha or aakhon hi aakhon me kaha k dekhon maa aj mai jaldi ghar aa gai or tumhare lia kuch lai v hu........... kya hua hoga mere sath ??? Agar aapko av tak ki kahani aachi lagi ho to iska uttar dijia or hamara hosalla badhaiye. Is kahani ka agla bhag ham darsakon ki pasand par hi likhenge. ...........WRITER-''VIBHA SINGH''............ |
||
- | ||
|
vibha singh: i m going to start my story writing skills...........veiwers plzz promote me.......!!!!!!! |
||
| ||
|